STAFRÆNN HRAÐALL

Hraðall fyrir kennara til að þróa kennsluhætti framtíðarinnar

Hröð þróun á sviði gervigreindar hefur komið kennurum í opna skjöldu, og eru menntastofnanir um allan heim nú að leita leiða til að koma böndum yfir þann mikla meðbyr sem nemendur geta skapað sér í náminu með notkun gervigreindar. Ein besta leiðin til þess er að kennarar læri sjálfir á notkunarmöguleika gervigreindar í námi svo þeir geti aðlagað kennsluhætti sína, verkefnavinnu og prófafyrirkomulag að þessum nýja veruleika.

​

Stafræn tækni býður einnig upp á fjölbreytt tækifæri fyrir kennara til að straumlínulaga sína starfshætti, uppfæra kennsluhætti og bæta gæði náms fyrir nemendur sína.

​

Stafrænn hraðall þjónustuveitunnar

Á stafrænum hraðli Þjónustuveitunnar koma saman 6-8 þátttakendur sem starfa á sama sviði og hafa áhuga á að innleiða stafræna tækni í sína starfshætti og starfsemi.

​

Ekki er krafist mikillar tæknikunnáttu en til að geta tekið virkan þátt í vinnustofum er nauðsynlegt að þátttakendur hafi lágmarks læsi á sitt eigið tölvuumhverfi og einhverja reynslu af því að vinna með sína eigin tölvu og/eða snjalltæki.

​

Þátttakendur mæta jafnframt á vinnustofurnar með þau tæki sem þeir nota helst í sínum faglegu störfum; snjallsíma, spjaldtölvur og/eða fartölvur.

​

Til að allir þátttakendur njóti góðs af hraðlinum, er nauðsynlegt að hver og einn þátttakandi skuldbindi sig til að:​

• Mæta á fyrstu tvær vinnustofurnar.

• Prófa eitt stafrænt verkfæri í sínu faglega umhverfi í eina viku.

• Flytja stutta kynningu á niðurstöðum prófana og svara spurningum.

​

Þátttakendur eru hvattir til að velja sér minnst eina stafræna lausn til að vinna með næsta mánuðinn, og þá jafnframt að mæta á þriðju og síðustu vinnustofuna til að deila upplifun sinni með öðrum þátttakendum.

​

Þátttakendur í þróunar- og kynningarhröðlum skuldbinda sig jafnframt til að skila umsögn um upplifun sína að hraðlinum loknum.

​